الزمان يدور والحية الرقطا تدور
 

الزمان يدور والحية الرقطا تدور
وكل ضلعٍ نايفٍ تنطوي في فيته

وكان حنا ما دفنا الحيايا بالجحور
بعد بكره كل جحرٍ تجينا حيته

والمواقف ما تبي كود رجال جسور
وشرهة الفارس على سيفه وجنبيته

والله انّا ما ربينا على دهن السيور
نلطم المجنون ويطيب من جنيته

من خذاه ابليس للطيش واعماه الغرور
تاه بكبار النوايب صغر عقليته

ومن رمى روحه مابين الذيابه والنمور
راح حسبه من حساب العباد الميته

والدروب اثنين دربٍ ظلام ودرب نور
علمو من حث سيره يعرف نحيته

والرواسي ثابته والحقايق ما تبور
ومن يشوف الحق يعرفه من ماريته

والضلاله والردى ما وراها الا الدبور
تبطل اعمال البنادم وتفسد نيته

لين يحدر للمتاهات مع درب الحدور
قدم وقت يحد نابه لا شاف ضحيته

والحقيقه قلت اوضح لهم بعض الامور
عالمٍ تحسب حقوق الرجال مهيته

المريض يحصل الطب من ماض العصور
والمرض يصرف علاجه حسب نوعيته

خليل بن هدلان

رد: الزمان يدور والحية الرقطا تدور
 

الف شكر على هذا الجلب الطيب
وعلى هذه القطفه الطيبه
وعلى هذا الجهد الرفيع

رد: الزمان يدور والحية الرقطا تدور
 

موضووع في منتهى الرووعه
باارك الله فيك وفي جلبك وطرحك المميز
اشكرك وتسلم الايااادي تحيتي وتقديري
وبانتظااار جديدك دمت وكون بخير

رد: الزمان يدور والحية الرقطا تدور
 

انتقاء جميل
يعطيك العافية على جمال الطرح
ل روحك الفرح ..

رد: الزمان يدور والحية الرقطا تدور
 

طرح جميـــــل ..||
دام التألق ... ودام عطاء نبضك
كل الشكر لهذا الإبداع,والتميز...!!
وبآنتظار روائع جديدك بكل شوق...!
ودي وعبق وردي ..||

رد: الزمان يدور والحية الرقطا تدور
 

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري