ليتك...تجي
 

ليتك تجي
ليتك تجي ,والا انا اقول جيناك =
ليت الحواجز, تنكسر يوم انا ابيك.

لو تسمح الايام ,بقول حياك =
واعيش امانيا, ومعها امانيك.

ابغى اعيش العمر, بقربك ولاماك =
واقول للخافق :كفاني وكافيك.

واعيش واقع, ثم انا اكون وياك =
ومالي مطالب غيرك : ربي يعافيك.

من يوم شفتك: لاهذولا ولا ذاك =
من بد جنسك بالهوى ,صرت داعيك.

تغيرت دنياي, من يوم شفناك =
ماعاد في دنياي شيئا يساويك.

يفز قلبي كل ماحي ناداك =
واعيش مع صوتا ملبي مناديك.

سبحان رب الكون, يومن سواك =
حلا وجمال, مزيناتن مباديك.

لغة عيونك, مانطقها ترى فاك =
كانت بلاغه وضحت لي خوافيك.

سحرك ,تمثل بالعيون وشفاياك =
وباقي الجمال, موزع بكل مافيك.

بين الحنايا, خافقا صار سكناك =
(ياغيرتي من خافقا صار حاويك .)

بقلمي: عواد الهران
حصري

رد: ليتك...تجي
 

صح لسانك شاعرنا ولا هنت



لك تقييمي والختم والأضافه

رد: ليتك...تجي
 

هلا اخوي
بارك الله فيك
ومرور اسعدني بحق
الشكر والامتنان لك

رد: ليتك...تجي
 

صح لسانك ..واعتلى شاانك
ابيات جميله ابدعت في نظمها ..
لروحك السعاده ..

رد: ليتك...تجي
 

بارك الله فيك
مرور اسعدني.....وتواجد طيب
لك الشكر والامتنان

رد: ليتك...تجي
 

صح بوحك أخوي عواد

زمان منك
نورت وابدعت
كل الوود والتقدير لسمووگ

رد: ليتك...تجي
 

يالله حييه
ايه والله زمان......لك الشكر وسلمت
مرور اسعدني وتواجد طيب

رد: ليتك...تجي
 

صح لسانك
ابدعت اخي عواد كلمات جميلة
يعطيك العافية
دمت ودام عطائك
تقييمي واعجابي لك ..

رد: ليتك...تجي
 

سعيد بمرورك وتواجدك الطيب
لك الشكر والامتنان
بارك الله فيك

رد: ليتك...تجي
 

حروف مفعمة وذايقه اروع
سلمت اناملك الذهبية
لإخلاء ولاعدم
يعطيك العافيه