عذلت نفسي مير ماطاوعتني
عن حبها والنفس تتبع هواها
لامن نهيت النفس عنها عصتني
تقولي ما ابي عشير سواها
هي غايتي هي منوتي هي مالكتني
هي لي هوى نفسي وغاية مناها
احبها لو انها لوعتني
واحب اهلها كله من غلاها
ما انسى ولا انسى يوم وادعتني
واغضت بعين دمعها قد غشاها
تقول كله من منك ماجاملتني
تذكر خطاي ولاتقر بخطاها
دايم تمنيني ولاقد عطتني
ولاجت تبي تعطيني منعها حياها
وان جيت ابطلب سلهمت واسفهتني
وبان الخجل فيها وزود حلاها
ماهي بتبعدني هي ولاقربتني
ووعودها واجد وقليل وفاها
ماودي ازعلها وهي ظالمتني
وراحت حياتي كلها في رجاها
ودي بها لكن عنها حدتني
ناس عجزت اليوم لا ادرك رضاها
lh ,]d j.ugih ,id /hgljkd !!