ماجيت ادور في تويتر علاقات

مـا جيـت أدوّر في تويتر علاقـات
و ماني من اللي كل عذرآ تطولــه

ما جيت غير أنسج من الفكر أبيات
اسبح بحور الشِعر عرضه وطولـه

اكتب من افكاري بيوت(ن)جـديـدات
و انقض بيوت الشعر واشعل فتولـه

آرقى بـفـكري فوق عــال الرفيعــات
وآصل بـشعـري شـي ما وصّلـو لــه

اطرد ورى الشِرّد واجيب الصعيبـات
و اقنـص بعيد الصيد لو هـي جفولـه

ويـ الـهـايـم اللـي كــل هممـك بنيّــات
إستح / تـرى يا خوك ما هي رجولـه

(شـاعـر) وتكتب لـي بيوتٍ هزيـلات
و الـروح فـيـهـا مـيـّتـه و امـخذولـه

( بيتين ) يوزنها يجي عشر مـرات !
و يزعل لا شاف الناس ما صفقو لـه

و يا لـيتـها تَـشـرح و تـعـطـي دلالات
صـفّـت حـكـي ، والـكـل يـقدر يـقولـه

و يقول لـه بـالشـعـر صوله و جولات
و شلون ابشرهـ ؟ والوجيه امغسولـه

مـانـي مـخـليـهـا تـعـدّي ســلامــات
(ولسـانه اللــي زلّ ابـرضي فضـولـه)

قــلّــه تـرى بـيـنـي و بـيـنه مســافـات
مـا دام هـرجـه مـا يـطـابـق افعـولــه

هـيـهـات يـوصـل ما وصـلـناهـ هيهات
كـسـب الـمـراجل ما يجــي بالـسهـولـه

لا جـيـتـه يـهـلّـي / واذا رحت شمّــات
مـثـله يـسـاوي لـو نبيـعـه ( نعولـه )

أنــدم عـلـى الابـيـات لـو هـي جزيلات
هــو لـيه اطري مـثل هـذا وزولــه ؟

خـلّـه يـولّـي يـا ولــد هـات الابيـات
بـرجـع على الموضوع و غاية شموله

انـا احـمـد الله بـالفـجـوج الـوسـيـعــات
ما دمـت عــزّابي ولا احــد(ن) أعولـه

ولآآ عـرفـت أسـواق لـبس و مـحــلات
( لا عثيم بقاله ) ،، ( ولا عثيم موله )

وقولت نبي نلحق مسوّي خصومـات !
ولاّ نـزور الـيـوم بـيـت الــحَمـولــه !

الله عـطــانــي مـن فـضـايـل كـثـيــرات
رجـلـي عـلـى درب الـونـاسـه بــذولـه

لا من طرا لي من هموم(ن) عضيمات
بَــرمّــت سـلـف الجيب وآخذت جـولـه

يا زينــها بـالـبـر ، لا خــذت سـجــات
تـسـوى دنــانــيـر الـذهب و العمولــه

يا زينــها و الـوقـت تــوّه ولا فـــات
عـقـب الـمـطر و الجـو معـلن ذهولـه

مـا الله فــتـنّـي بـ العـيون الـوسيعـات
هـذا هــوآآآ راســـي و هـذا ميولــه

و اللــي يـقـول إنــي ادوّر عــلاقــات
((كــلـن يـشـوف الــناس تـفعـل فعولـه))

حـُـلم معجب بهذا

هـيـهـات يـوصـل ما وصـلـناهـ هيهات
كـسـب الـمـراجل ما يجــي بالـسهـولـه

ماجيت ادور في تويتر علاقات
قصيدة جميلة بمعاني أجمل
تنم عن فكر الكاتب الرآقي
وعن إضأءة الإنتقاء ناقله
دمتَ غدقا" بـ التميز
كل التقدير
تحياتي .

السكب 12 معجب بهذا

صح لسانك ولا هنت

ابدعت في انتقاء موضوعك
سلمت اناملك ع الطرح الراقي
راق لي ما راق لك
ربي يعطيك الف عافيه
في انتظار كل جديدبكل شوق
تحيتي ...

سلمت الانامل
الطرح ف قمة الجمال
يعطيك العافيه
بنتظار جديدك المميز
تحيتي
..

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
ودي وعبق وردي

غايه الروعه
سلمت يمناك
الله يعطيك الف عافيه
في انتظار جديدك بكل شوق