سجل دخولك ببيت شعر

تعيش يا قلبي معزز ومرتاح
ولا داخلك إحساس حقد وضغينه

ولا عرفت الزيف وشلون يجتاح
بعض القلوب الخايبه والحزينه

ولا خذاك المدح بلسان مداح
ولا عشقت إلا العقول الثمينه

ماغرتك دنياك لو كانت أفراح
تقبل على مولاك حب وسكينه ..
؛

سلطان الزين معجب بهذا

لا تبطي بوجهك خل الأيام محلوّه
أنا كل شي يهون عندي بعد وجهك

عسانا لانصانا اللي ما ريّحه الزمن يرتاح
‏وعسانا مانسوي طيب وإنّـا ننتظر رده

‏وعسانا لاتجملنا ف أحد مانذكر اللي راح
‏وعسانا ما نقابل راعي المعروف بالصده

‏وعسانا لاحصل منا قصور بساعة الافراح
‏مايلقون العرب منا قصور بساعة الشدة ..
؛

يالله عساني وين ما رحت او جيت
‏اترك اثر طيب وذكرى جميلة ..

الله يجعلني .. على مايظنون
اهل النوايا الطيبه والشريفه
عندي يقين اني على الطيب امون
حسب المبادي والقلوب النظيفه .

تدري وش اللي بالخلايق يمشيك
ويحط لك بين الناس قيمه وشيمه

طيبك واخلاقك وصدق مباديك
ونفسٍ بشوشه بالتعامل حشيمه

يارب تستر عليّ بسترك الضافي
‏وأعمالي الصالحه يارب تقبلها

‏وأغفر لي الذنب في دنياي وإسرافي
‏والنفس في رحمتك يارب تشملها ..

سلطان الزين معجب بهذا

مغتني من خير ربي ، قبل خيري
ومكرمٍ نفسي و لو ما أتبع هواها

ومارجيت الحاجة اللي عند غيري
عندي أشياء ، مات غيري ما لقاها

سلطان الزين معجب بهذا

طابت خواطرنا من الوقت والناس
ماعاد نبغى الا الستر والسلامه ..

‏ما خاب منهو يحسن الظن بالله
وما ضاق صدرٍ يذكر الله دايم

أصاايل معجب بهذا