ترى عدوك غايته فيك ومناه .. فصل آلرفقه ..

؛




؛

ترى عدوك غايته فيك ومناه .. فصل آلرفقه

قصيدة احذر عدوك
خالد الفيصل


..كل يعود لاصل جده ومرباه
راعي الشرف يشرف والانذال يهبون

..الفرع من عوده شرابه ومسقاه
والحنظلة مره ولو تشرب مزون

..الطيب كايد والمناعير تقواه
والهون هين تدنع النفس وتهون

..ناس على *ب المراجل مضراه
وناس على *ب الفشيلة يضرون

..هذا على وضح النقا كل ممشاه
وهذا الى شافوه ربعه يصدون

..لا تامن الخوان لو زخرف حكاه
من خان بك مره يبي باكر يخون

..وافطن ترى زول الرجاجيل تواه
كم واحد يعجبك زوله وهو دون

..يا طيب الشارات من يوم منشاه
احذر عدوك لايغدرك على هون

..ترى عدوك غايته فيك ومناه
يزرع بصدرك من قنا رمحه طعون

..واللي رضع لبوة عدوك توقاه
الجرو ولد اللبوة اللي تعرفون

..للطير يالصقار بالريش مغواه
الجاهل اللي باكثر الريش مفتون

؛

؛

متيم ,روح ,لحن و 5 آخرون معجبون بهذا

* السلطان * ,الحر ,مستثناه ,حـُـلم ,نَبض