عليك السهر ياكم شربنا فناجيله .! / فريق المسك

ما بين الدروب اللي تزعلّك رايح جاي
أشوف الليالي تسرقك.. ما معي حيله

ما عمري شعرت بكسري وجيتك من أقصاي
ولا أحتجت لك كثر أحتياجي لك الليله

أناديك وأعلّق على نبرتك.. رجواي
ويطيح الرجاء وأرجع على شانك أشيله

يا كثر الكلام ولو معي في جروحي راي
ما ضاع الكلام وضاعت أغلى محاصيله

أشوف الخطأ واقول عادي وأنا النّساي
ولي قلب مدري كم طفى من قناديله

هذا عام جاي وعام قفى وأنا وبكاي
عليكالسهرياكمشربنافناجيله

ولا زلت أحبك وأدري إنك أهم أشياي
وأشوفك أمان كل ما احتجته أجي له

ليا اشتقت لك والأرض راحت قصيد وناي
يا صبر المحب ليا بكى: من مواويله

لو أمشي على الماء لا ذكرتك نبت ماطاي
خزامى و ورد وكل وادي درج سيله

عسى باقيٍ لي معك ضحكه ترد رضاي
ولي عمر مهما فاتني معك.. باقي له

حـُـلم ,فرح ,غَيْم ..! معجبون بهذا