الكبدة الاسكندراني بخيارات متعددة

الكبدة الاسكندراني بخيارات متعددة

وصفة النهاردة
كبدة اسكندراني
ولكن متبهرة ومتسبكه وطعمها يفتح النفس
وكمان عملت معاها مكرونه بطعم جديد ومميز
نبدأ بالكبدة
المقادير
كيلو كبدة
بصله كبيرة مقطعه مكعبات صغيرة
حبه فلفل اخضر مقطع مكعبات
واللي بيحب الحار يحط فلفل حار
3 حبه طماطم مقطعه
3 فص ثوم مفروم
معلقه كبيرة دبس الرمان بيدي طعم ولون للصوص حلو جداً
مكعب ماجي
ملح + فلفل اسود + كمون + كسبرة ناشفه + رشه من البهارات السبعة
الطريقه
نقطع الكبدة شرايح ونغسلها ونحطها في مصفاه حتي تتخلص من كل الماء الزائد

نيجي بقي للسر اللي يخلي الكبدة مستويه
وفي نفس الوقت طريه ولذيذة
في إناء ع النار نضع شوية زيت ولو حبيتي تضيفي للزيت قطعه صغيرة سمن بتكون احلي
واخليه لما يسخن الزيت وأضيف له الكبدة وأخلي النار عاليه
عشان اعملها صدمه اخلي المسام اللي برة تتقفل
وفي نفس الوقت محتفظه بالعصارة اللي في داخلها
وأول ما لونها يتغير أضيف البصل واحرك عشان عايزة كل الخضروات اللي ها اضيفها تتحمص مع الكبدة
وبعد البصل أضيف الثوم ونحرك
ثم البهارات ونحرك عايزة الكبدة تأخذ طعم البهارات
ثم الفلفل الاخضر ونقلب
ثم الطماطم ومعلقة دبس رمان
والصراحه أنا حطيت شطه مجروشه مش كتيير
ولكن الكبدة لما تكون فيها نسبه حراق بتبقي الذ وأطعم
وخلي بالك اوعي تضيفي ولا نقطة مايه
هي هاتنزل العصارة اللي فيها
وهاتستوي مع بعض
وها يبقي عندك صوص رائع جداً جداً
والصور توضح
هنا حطيت الخضروات بالترتيب



وهنا كل المكونات مع بعض نتركها تتسبك وتستوي مع بعض وكل حاجه تأخذ من بعضها ف الطعم




استوت وطعمها وريحتها خياااال
ومفيش لها ريحة زفارة ودبس الرمان خلي الصوص لذيذ



وقدمت معاه خبز عملته في البيت خبز بالدقيق البر
والصراحه طري وأحسن من المخابز
ان شاالله انزله في موضوع
أنا بعمله واحتفظ بيه ف الفريزر لحين الاستخدام

وقدمت الكبدة مع الخبز
والمكرونه للي يحب









وهنا قدمتها مع المكرونه



وهنا عملتها ساندويتش وقليت بطاطس






لذيذ
يم يم
وبكدة حطيت لكم جميع الخيارات
اللي يحب يأكلها مع المكرونه
او اللي يحب يغمس بالخبز الصحي
او لو تحبي ساندويتش
تشكيله علي حسب الرغبه
أتمني موضوعي يكون عجبكوا
واتمنى اكتر تجربوها
في رعاية الله وآمنه

حـُـلم ,hmsraqi ,احساس عاشق و 2 آخرون معجبون بهذا

غَيْم ..! ,لا أشبه أحد

المصدر: منتديات أحاسيس الليل - من قسم: •₪•مطبخ أحاسيس الرمضاني •₪•

---

hg;f]m hghs;k]vhkd fodhvhj lju]]m