اذا نويت تكتب فالشعر الأبيات

اذا نويت تكتب فالشعر الأبيات
اكتب جزيلات القوافي الجزيله

والا انفقهق خلف الجدار والبنيات
وافسح مجال لاهل العلوم الجميله

لا دارت الافكار فالراس بحكمات
تبحث عن اللي كف ذراعه طويله

ماتدري انك ماتنوش الطويلات
حتى ولو تحتال فالامر بحيله

لكل زمان رجال يحسم المسافات
معروف بالموقف يزحزح ثقيله

ما يحتمل متنك تشيل الثقيلات
واظنيت عمرك بين هزله وميله

مال الجزال الا البيوت الجزيلات
لا تاز وتزبن خلف ظهر الحليله

لاجاك عكف اشناب تفتل الشنبات
تفقدك صواب العقل وتفقد دليله

تغص بريق الحلق وتيبس شفيات
ولا عاد لك في ساحة* الشعر حيله

لا تقول حيلك كل وكيف السويات
والسيف الاحدب فالاذاني صليله

اخضع كما تخضع فروخ الحميمات
تسلم بطش الصقر والا تعشاك بليله

هذي وسيله ضمن بعض الوسيلات
والا استتر من خلف هزيل الخميله

السكب 12

حـُـلم ,الحر ,غنج أنثى و 4 آخرون معجبون بهذا

غَيْم..! ,* السلطان * ,الجادل ,احمد حماد