بيت من الطين ( الجزء الثاني)

تذكير باحداث الجزء الاول

قال المدير :شنهو اللي اخرك يابوسالم



قال ابوسالم : انا تاخرت دقايق بسب الزحمه قاطعهم الرجل وقال حصل خير

فقال المدير :هذا جاسم صاحب الحلال وصاحب شركتنا طلب مني ترشيح احد السوقين اللي هنا يكون سواق معه طول اقامته عندنا فخترتك وبيض وجهنا عنده

قال ابوسالم :ابشر

مسك المدير يد ابو سالم وقال له

تبغون تعرفون شنهو قال المدير لبوسالم













الجزء الثاني



مسك المدير يد ابو سالم وقال له

شف طلبات صاحب الحلال ولا تناقش معه وجابه على قد السؤال

وأخذ المدير ابوسالم على جنب وعطاه مبلغ من المال تمنع ابوسالم وقال المدير هذي خلها معك مبلغ نثري للبترول ولاشياء الاخرى .

طلع ابوسالم يتفحص السياره اللي بيسوقها

وشاف سياره اول مره يشوفها في الشركة

سياره فارهه واخر موديل اخذها لكراج الشركه حتى يتفحص الزيت والماي وهوى الكفرات بعد ما تم فحصها رجع للمكتب واخبر المدير انه هو والسياره جاهزين .


وقف السياره عند باب المكتب ونزل من السياره ينظف زجاج السياره الامامي والخلفي بفوطه في يده في انتظار صاحب الحلال وبينما هو منهمك في تنظيف الزجاج اذا بصوت المدير وصاحب الحلال طالعين من المكتب فتح ابوسالم باب السياره الخلفي لصاحب الحلال وتمعر وجه صاحب الحلال من تصرف ابوسالم ودخل السياره وقد تعكر وقال انا ماني مكسح تفتح لي باب السياره

فقال ابوسالم :لا ياطويل العمر
فقال صاحب الحلال طويل العمر الشيطان وكلنا بنموت زاد الطين بله ابو سالم بكلمة ياطويل العمر سكر ابوسالم الباب وركب السياره وتحركت وهو مرتبك راى صاحب الحلال الارتباك في وجهه ابوسالم وحب ان يخفف عليه هذا الارتباك
(من الان وصاعدا صاحب الحلال نسميه جاسم )
فقال جاسم : ياعم ابوسالم كلنا عيال تسعه وكلنا اجالنا قصيره ونادني باسمي جاسم بدون القاب هنا خف الارتباك عن ابوسالم وكان شاد جسمه وبعد كلام جاسم ارتخى جسم ابوسالم وارتاح وتهللت اساريره وقال وين تبغينا روح ياجاسم
ضحك جاسم ضحكه قويه وقال من اولها طيحت الميانه ههههههههههههههههههههه
فقال ابوسالم :هذا طلبك وكان يضحك مع شويه من الارتباك
قال جاسم: صدقت يابوسالم !!وقال كم المشاريع اللي لنا في هذي المنطقه
فقال ابو سالم : اللي اعرف المشاريع اللي اكثر ماودي المهندسين الاجانب لها حوالي خمسه فيه القريب وفيه البعيد
فقال جاسم : البعيد كم كيلوا تبعد
قال ابوسالم : فيه اللي يبعد 300 كيلو في الصحراء وفيه القريب اللي يبعد 70 كيلو وفيه اللي حولينا
فقال جاسم :اليوم بنروح للقريب
فقال ابوسالم :ابشر فيه مشروع معين تبغي تروح له
فقال جاسم : كلها باخذ جولها عليها فلذاك اقرب مشروع مره وعلى فكره يابوسالم انا قلت للمدير لايعطي خبر لاي مدير مشروع اني جاي علشان كذا ماحد يدري اني جاي
فقال ابوسالم :اقرب مشروع لشركه يبعد 7كيلو خارج المدينه قريب من قريه ابوسالم
فقال جاسم: خلنا نمره
فقال ابوسالم :تم
دار الحديث بين ابوسالم وجاسم
قال جاسم :كم عيالك وين ساكن يابوسالم
قال ابوسالم : عندي ثلاثه بنتين ولد
قال جاسم : الله يخليك لهم ويتربون في عزك
فقال ابوسالم : الله يجزاك خير
قال جاسم: وين تسكن وفي اثناء سؤال جاسم كان يمر ابوسالم بقريته
ففال ابو سالم : اسكن في هذي القريه ياجاسم
راى جاسم القريه فوجدها كل بيوتها من الطين ومباني قديمه
قال جاسم :هنا في هذي القريه
قال ابوسالم :نعم
وصل جاسم وابوسالم للموقع الاول فوجد الورود على بوابه الموقع ومكتوب عليها اهلا" وسهلا" وفتح الحارس البوابه لسياره جاسم استغرب من اخبرهم فقال لبوسالم ارجع لاتدخل الموقع بصوت غضب ورجع ابوسالم !!
وقال ابوسالم :عسى ماشر واخذالجوال واتصل جاسم على المدير وقال له انا ماقلت لاحد يدري بزيارتي
فقال المدير:والله ماخبرت احد ابد كيف الموقع الفلاني على بوابة الورود مكتوب اهلا" وسهلا" ومرتب الموقع ومستعدين لاستقبالي
فقال المدير: ياجاسم الموقع اللي رحتوا له مرتب له زياره من الامن الصناعي في المنطقه اليوم يشوفون الامن والسلامه في الموقع هنا خفت حده كلام جاسم وكان الجوال مفتوحه السماعه ابوسالم يسمع الكلام اللي دار بين جاسم والمدير
وكان الوقت قريب الظهر فقال جاسم مربنا على مطعم نتغدا فيه
قال ابوسالم الا بنمر نتغدا عندي وتشرف بيتي فقال جاسم مابغي اثقل عليك ولا احرجك
فقال ابوسالم افاااا ياجاسم ابد بنسوي لك من غدا البيت والموجود
حاول جاسم يرفض ولكن ابوسالم اصر عليه
فقال جاسم: طيب
وقف ابوسالم عند البيت
ونزل ونزل جاسم
فهاااله مارى
فرأى بيت من الطين وبابه الخشبي من الطرااز القديم فدخل جاسم من الباب ودخل المجلس الذي كان اثاثه غايه في البساطه
كان عباره عن جلسه بسيطه مع مساند ومتاكي وكان فيه وجار(الدوه) هوعباره عن حديد على شكل مستطيل يوضع فيه الحطب وتوقد فيه النار وكان اثار الرماد موجوده بداخله وكان السقف عباره عن خشب بطول
وفوقه مثل الحصير .
جلس جاسم مستغرب كيف هؤلاء الناس عايشين بهذي البساطه بعيد عن المدن وازعاجها وبهرجتها واثتاء ذالك دخل ابوسالم وهويقول مرحبا مرحبا ياجاسم
تشرفنا بوجودك بينا
جاسم لاتقول كذا يابوسالم ترى كلنا سوى
وجلس جاسم يسولف مع ابوسالم ويسأله كم صارلك وانت ساكن هنا
قال ابو سالم انا مولود في هذا البيت
وعيالي مولدين في هذا البيت
قال جاسم وعيالك يرحون للمدارس ولا مادرستهم
قال ابو سالم :لا يدرسون كلهم اكبرهم بنت تدرس في صف الاول ثانوي والبنت الثانيه في الثاني متوسط ( اعدادي) وسالم في الثاني ابتدائي
قال جاسم :الله يخليك لهم ويتربون في عزك
واثناء ذالك دخل الجد على ابوسالم وجاسم
وسلم على جاسم وقال يبه هذا معزبنا صاحب الشركه اللي اشتغل فيها
قال جاسم :ابوسالم حنا ويش قلنا نسيت ولا اذكرك
قال ابوسالم لا مانسيت بس لابد ان اعرف الوالد من انت
جلس جاسم مع والد ابوسالم يسولفون وكان والدابوسالم رجل خفيف الظل وانبسط جاسم مع والد ابوسالم راح ابوسالم يجيب القهوه والشاهي وقال لام سالم اضبطي لنا غدا على كيفك معي صاحب الشركه اللي اشتغل فيها قالت ابشر
اخذ القهوه والشاهي ودخل المجلس على ابوه وجاسم وحصلهم منسجمين وجاسم ميت من الضحك على سوالف والد ابوسالم
وقال جاسم لبوسالم الله يخلي لك والدك والله اني ضحكت ودي وضحكت ماعدهو بودي
ضحك ابوسالم من كلام جاسم ويصب على ابوه القهوه وقال ابد عطها جاسم وحلف جاسم ماياخذ الفنجال قدامه وتقهوا وبعد شوي الا ام سالم تنادي على ابوسالم وتقوله الغدا جاهز في اثنا ابو سالم والده وجاسم يتقهون جات حصه من المدرسه وشافت سياره فارهه قدام بيتهم دخلت البيت وقالت يمه يمه من سيارته اللي واقفه عند بابنا قالت هذا صاحب الشركه اللي يشتغل فيها ابوك قالت اش اش رجال بين عليه غني يمه قالت امها الغنى يابنتي غنى النفس وكان يوجد حاجز يبن المجلس وباقي البيت كماهو معتاد في البيوت القديمه مع وجود فتحاات صغيره في هذا الحاجز
جهزت حصه وامها الغدا وجاء ابوسالم واخذ السفره وفرشها في المجلس ورجع ياخذ الغدا الا حصه شايله الغدا لبوها وفي نص الطريق في حوش البيت اخذ ابوها الغدا من حصه رجعت حصه لامها وامها تضحك ويش هذا النشاط اللي جاك اليوم
ضحكت حصه طالعه لامي ضحكوا وشوي الا ريم تصييح يمه وين الغدا بصوت عالى وهي داخله من باب البيت الا امها وحصه يقولون لها قصري حسك يامال .... ليه اقصرحسي قالت ابوي عنده ضيف مع جدي
صاحب الشركه اللي يشتغل فيها ابوي قالت صاحب الشركه مره وحده اكييد شايب اكبر من بوي قالت امهم ماعلينا اكبر من ابوك ولااصغر اهم شئ نقوم بضيافته على احسن وجه شوي الا ابوسالم شال صحن الغدا واخذته حصه منه وقالت عسى الغدا اعجبكم قال ابوها ام سالم ماتسوي الاالزين قالت حصه وانت الصادق ام حصه ماتسوي الاالزين ضحك ابوها منها ورجع للمجلس يصب الماء على يد ابوه وجاسم يغسلون ايديهم بعد الغدا في حوش المجلس وكان القاطع مش طويل كثيير غسل وقف ينشف يده وهو واقف صدفه شاف !!!
شنهو اللي شافه جاسم

نكمل في الجزء الثالث

حـُـلم ,سليدا ,احساس عاشق و 2 آخرون معجبون بهذا

مسگ ,N@gh@m