سجل دخولك ببيت شعر

عساي عند الله بالخير مذكور ..
‏في صفحة كتابي وفي دعوة الناس ..

خلو نعيش العاطفة مثل الأطفال
مثل البراءة في عيون الطفولة
نسقي بعضنا حب والقلب شلال
والصدق واضح فالعيون الخجولة
نبعد عن المنقود والقــيل والقال
والي بخــــاطـــرنا نبـــــــوح ونقـــــوله

بقول لك شطر ودقـق بَ معناه
‏ما كل من قفا يعوض بغيره

أحبّه و حبّه بينَ إلاضلآعِ , صالَ و جالَ
لوّ أجحدَ غلاهِ أقصّى المخاليق يدروُبه ..!

قلوبنا من طيبها تحفظ الطيب
واللي يجينا من ردى الناس .. ننساه

حنا بشر نخطي مع الوقت ونصيب
وإن بان في ثوب الخوي شق رقعناه

الثوب لامن ضاق يستبدل بـ ثوب
بس الصدر لاضاق وشهو بديله ؟

اليوم هذا فات عن ذاكرة أمس
يومٍ يطيّب خاطرك يا هلا به

ماصار لليل لون .. وللفجر لذّة
الا بعد ماعرفتك .. يابعد روحي

تمر الوجيه العابره مع مرور السير
‏وكلٍ يروح وينحفظ ذكره الطيّب

‏عسى ذكرنا مايذكر الا مع اهل الخير
‏وعسى الله يجملنا مع بعيد وقريّب .,

السامية معجب بهذا

مهما تردّى : وقتنا .. لازم " نطيب "
ما نكسر بْـ خاطر .. ولا نجرح شعور