خل التغلي ياحبيبي ماكبير الاالكبير

إيه افتخرخذ راحتك دامك تبي نفسك كبير
من قدنا ياقلب نتعامل مع الناس الكبار

تدري وش أصل المشكله يالابس الثوب الحرير
المشكله أنك نسيت أن البشرأصله غبار

صحيح ما أنكر وإذا أنكرت أنّبني الضمير
إن الحلا عقدٍ فـ جيدك والدلع فـ ايدك سوار

وانك مثير بكل شي حتى الزعل عندك مثير
وان الصبايا كلها من نظرة عيونك تغار

واللي يريد يغير منك مايفيده لو يغير
والله ما يشفي غليله منك كود الانتحار

بس ويش لو طلع مالك شبيه ولا نظير
يعني جميع الناس ذولي مالهم أي اعتبار

حتى أنا ما امليت عينك لا حبيبي ما يصير
وشلون أجل حنا حبايب كل واحد له مسار

تدري بغلاتك ما يفيد اللغو والهرج الكثير
تدري أحبك وأن حبك أول وآخر قرار

وتدري إذا ناديتني أنسى الزمن كله وأطير
وتدري غيابك يشعل الأشواق في قلبي شرار

وتدري معك مفتاح قلبي وأنت من فوقه أمير
سلمت لك قلبي بايديني بس من دون أختيار

وتدري معك ماشي ولا أدري إلى وين المصير
وتدري من عنادك أشوف النجم في عز النهار

وأشوف حبك مثل عالم حر في عين الأسير
لا قادر يطوله ولا يدري وش آخر الانتظار

وأشوف حبي لعبةٍ يلعب بها طفلٍ صغير
كسر ودمر لعبتك دامك تلذذ بالدمار

بس لا تحسب يوم بأترجاك أو خلفك باسير
راسي واعرفه ياحبيبي ماتعود الانكسار

إن كان في حبك مذله زيح عن جوّي وطير
عند الكرامه اشتري نفسي بعزه واقتدار

قل لي غبي ولا جري ولا ولد عقله صغير
قل ما تبي هذي الحقيقه قلتها لك باختصار

كثير حبوني وأنا حبيت في الدنيا كثير
بس كلهم عندي سوى مابه كبار ولا صغار

خل التغلي ـ ياحبيبي ـ ماكبير إلا الكبير
وان كانك مصمم ترى حنا بعد ناس ٍ كبار

حـُـلم ,غَيْم ..! ,عطر المساء و 4 آخرون معجبون بهذا

لمس الروح ,* السلطان * ,الحر ,يقين

بوح رائع
كل التقدير لك

شكرا لك و لجمال الطرح
دمت بخير

عاشق الغيم معجب بهذا

الف

شكر

لطرحك

المميز

عاشق الغيم معجب بهذا

قل ما تبي هذي الحقيقه قلتها لك باختصار
كثير حبوني وأنا حبيت في الدنيا كثير
بس كلهم عندي سوى مابه كبار ولا صغار


^_^


شكرا لك

عاشق الغيم معجب بهذا

موضوع رائع ومتميز يعطيك العافية
لا عدمناك

عاشق الغيم معجب بهذا

تسلم كفوفك ..
لطيب الجهد وَ تمُيز العطاء
لاحرمنا الله روائِع مجهوداتك
تقديري

عاشق الغيم معجب بهذا

شكرا لكم
على مروركم الطيب

لمس الروح معجب بهذا

انتقاء مميز
يعطيك الف عافية على جمال الطرح
تحياتي لك ..

عاشق الغيم معجب بهذا

سلمت الأيادي ..
ويعطيك العافية لـ جمال الآنتقاء
لروحك جنائن الورد