اعطيك كلمة وتعطيني بيت شعر

مـن ذاوق العشق لا بده يعاود بـ حين
الحب ولـعـة ، و نـار الحب مـا تنطفي
انا لـو افقدك كني فاقد ؛ الاكسجين
عهدٍ علي ماتجيك القسوه مْن طرفي
اللقاك

يقين معجب بهذا

احيا على قربك وصوتك وطاريك
ودي بشوفك كل لحظه قبالي

ودي احطك في عيوني و اغطيك
و ودي انا اللي اشوفك لحالي

حتى الهوى لا مر من بين اياديك
اقول هذا وش يبي في حلالي

انا بمنامي يا هوى القلب اناديك
صورتك دايم ما تفارق خيالي

ان غبت عن عيني بقلبي الاقيك
وان رحت عن قلبي القاك في بالي

يا طير

رعد الجنوب معجب بهذا

يا طير خذ مني سلام و تحايا ..
و اقصد بها ناس على العز رابيين
.
الرياض

يقين معجب بهذا

لبيه والله يالرياض
‏وش كثر أنا مشتاقلك

‏الشوق فيني فاض فاض
‏شوقٍ لك وشُوق لهلك

الزين

الزين مثل الحيا متبوع
‏ لو ماتلى النـاس يتلونه

‏والشين مثل المحل مقطوع
‏ يمشون لين يتعدونه ..


وينك ..

وينك حبيبي ، عليك الروح مشتاقه
حنت عليك الضلوع وزادت اشواقي

مشتاق

مشتاق لك يلي على البال طاريك
‏في ذمتي ماغبت عني دقيقة
‏.
‏اسرح مع طيفك وقلبي يناديك
‏واقولك مشتاق وهذي الحقيقة ..



ذكرى ..

رعد الجنوب معجب بهذا

والله انه في ذرى عيني
واتشفق صدق واحنه

مع هبوب النود يأتيني
طيفه اللي مبطيٍ عنه

وكل ذكرى بينه وبيني
تستبيح الوجد بالونه

قد غدابي منه ثلثيني
ولا بقالي شي واكنه

وجدان

رعد الجنوب معجب بهذا

إن غبت وجدان شوقيّ تناديك
وإن جيت لي كل المشاعر تهلي
.
صباح الخير

حبيبي .. وأنت عنهم في عيوني غير
هذا الظاهر ولا تدري عن الخافي !

سمعت اليوم كم مرّه ( صباح الخير )
ولا زلت انتظرها بـ صوتك الدافي .

مساء الخير