اهدي بيت شعر لمن تحب..!!

يامرحبا باللـي يبيــني وانا ابــيه اللي غدا بعده على القلب جـاير
لامرني طيفه وجـتني طـــواريه من زود شوقي له تهــل العـباير
بالعون احبه حب واموت انا فيه والعمر من دونه ضياع وخساير

دامك بخير انا على طول في خير
حتى ولو عانيت من شـوق بُعدك
غلاك عندي يختلف عن غلا الغير
ولا همني واحـد من الناس بعدك

يا شوق خـبرني عــن اللــي انا اغليه عن واحد روحي بحبه شغوفه

اغليــــــه من بــد المخـــاليق وافــديه احس للفرحة طعم يوم اشوفه

يطلب عيوني .. يطلب القلب واعطيه ارهن حياتي بين ضمة كفوفه

يفتقْدك الصبح وأنسام الصبا والطيور
و الليلة " الشاتيه " و الغيمة " الماطره "

والخاطر .. اللي بعد ما مرّ ذاك الشعور
طاحت جميع أمنيات العمر من خاطره !

صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محتوم

لمس الروح معجب بهذا

شكوتُ إلى الحبيبِ أنينَ قلبي
إذا جنَّ الظلامُ، فقال: إنَّا!
فقلتُ له: أظنُّكَ غيرَ راضٍ
بما كابدتُ فيكَ، فقال: إنَّا!
فقلتُ: أترتضي إن ناءَ قلبي
بأثقالِ الغرامِ؟ فقال: إن نا!
فقلتُ: فإنكم لَوُلاةُ أمرٍ
على أهل الغرامِ.. فقال: إنَّا

ودي أتقهواك وأشبع من سواليفك
ويمضي بي الوقت ماهزيت فنجالي

ياضحكتي ودنياي وعيوني الثنتين
معك أحس إن العمر راضي علي

خـلك على الـنيه تجيك التوافيـق
لو أغلب قلوب المخاليق ظلمـا
اللّه يبـل الـريق في حـزة الضيق
لا شحت كفوف المخاليق بالما

بعلمك علم ،، ولا ابيك تنساه
في بيت واحد ما يبي له محامي

ان جيتني ،، بالطيب ولا بلياه
شخصيتي تفرض عليك احترامي .