سجل دخولك ببيت شعر

ترى من حب مايقدر على النسيان
اقول انّي نسيت ، وما تهيّالي

من الضيقه احس اني بدون لسان
من يقول الكلام اللي على بالي ؟

معي زحمة مشاريه وعتب خلّان
عتب خلاّن من غالي الى غالي

مثل ما كان الابيض سيّد الالوان
ترى للحين قلبه .. سيّد آمالي

* السلطان * ,ولهان ,غَيْم ..! معجبون بهذا

والف الناس عن الناس أعديها
‏ياكم هالناس جابوا لي وودوا لي

‏ والكذبه أدري إنها كذبه وأمشيها
‏ أحيان حتى ظلالي يكذب بطولي ..!

مدري نعاملكم على اللي تقولون
‏والا نعاملكم .. على اللي نشوفه !

ياخاطري لا تضيق الله موسعها
‏اضرب فجوج الوسيعة والله الواقي ..!

حاول تعيش الحياة بعيشة الراضي
‏لا ضاق " عنده يقين بتنفرج بكره ".

مافيني قلبين حتي تسكن الثاني
لي قلب وحد ولااحدن ساكنه غيرك

انا الواعي اللي مابعد فات ذهني شي
‏لو ان التغاضي عن بعضهم يلاحظ بي

‏اعرف الوجيه اللي تمنى السعاده لي
‏مثل ما أبخص اللي مايداني يرحب بي
؛

ان طلبت الغلا قلت الغلا جاك
وان شكنت الخفوق البيت بيتك

يالله عسى كل الليالي لنا خير
‏وفيها الحظوظ الطيبه تحترينا ..

ان ما جبرك الغلا ما اقدر على جبـرك
ياللي على ارض الوفا ما شبرك بشبري
تزعل وترجع وتلقانـي علـى خبـرك
وانا انكسر لك واجيـك ادوّر لجبـري
طيفك وذكراك طيلـة غيبتـك سبـرك
وشوقي لشوفتك طيلة غيبتـك سبـري
امحق وليف ومحبه...والا اقول..ابرك
حسبي عليك اعشقك وانت اتحفر قبري