ماني مسولف والليالي مقابيل

وجدة هالابيات لاحد الشعراء وعلقت عليها بالابيات التاليه


الشاعر السيف يقول



تعال سولف لي عن البرد والليل
والورد ورشاش المطر والعذوبه

بعلمك و أعطيك شعري فناجيل
شعر يلبس نادر الشعر .. ثوبه






وانا رديت عليه وقلت






ماني مسولف والليالي مقابيل
وكلن يحسب في حياته ذنوبه






ياالسيف برد العاطفه عذب الجيل
والقلب ترفات البنات العبوبه







اتولع انفوس النشاما قناديل
لعيونهم كن الحياه امحسوبه







والبرد يحتاج الدفا للرياجيل
لوكان في بعض المعاني صعوبه







مهيب نار الكيف والا المعاميل
نار الهنوف اللي تولع شبوبه







اللي بصدره مثل بيض الفناجيل
وايضايقه حتى مع اللبس ثوبه







وفي خطوته نغمة طرب عذب واحليل
كنه طفل يتعلم المشي دوبه






هذا الدفا يالسيف والحط والشيل
والنفس في درب الغرام مغصوبه






ياحلو شم امن الورود الاكاليل
ولعب الغلا والود نوبه ونوبه






ماني محلل بعض الاحساس تحليل
اخاف لا تكبر علي العقوبه





لو الخطوط الحمر تحتاج تعديل
توبه باربي كاني اخطيت توبه

حـُـلم ,Eashqi ,مسگ و 3 آخرون معجبون بهذا

بعيد الهقآوي ,غَيْم ..! ,سَآهِرْ..!

ياسلااام ..
صح لساانك ياخالد وصح لسان الشااعر الاخر ..
وسلمت يمينك لطرحك المتميز وشعرك الجزل ..
تحياتي لك..

صح لسانك
ابيات جميلة جدا
يسلم بوحك ودام قلمك
بنتظار جديدك القادم
اعجابي وتقييمي مع الختم والاضافة + الرفع

تمت الاضافة ..

انتقاء روعهههه
تسلم ويسلم بوحگ خالد

ابيات جميله خالد واكثر
ربي يسلم يمنااك
وصح لساانك
تقييمي..

بارك الله فيك...

جزاك الله خير الجزاء,

ولك الشكر والامتنان,

والتميز بكمن بما نستفيد ونفيد,

وقمة التفاعل:

بالرد عليكم ,وتلقي ردودكم الكريمه.

طرح رائع ومفعم بالجمال والرقي
يعطيك العافيه على هذا الطرح
وسلمت اناملك المتألقه
تقديري لك

هنآ يخرس قلمي عن النطق ..
لكي يسجل للدهر أني نلت شرف المشاركة
في متصفحك الرائع والراقي .. !
أعجز عن الوصف .. لأن الوصف بذاته
ينحني خجلاً عندما تمر به أطيافك .. !
فدمتِ للقلم .. وللإحساس .. وللروعة أصدق مترجم
شكراً لك حتى ترضى ..
أرق تحيه ..

طرح جميـــــل ..||
دام التألق ... ودام عطاء نبضك
كل الشكر لهذا الإبداع,والتميز...!!
وبآنتظار روائع جديدك بكل شوق...!