اليتم يتم الأدب

مجاراة قصيدة بن جدلان اليتم يتم الادب

الشاعر: سعد بن جدلان
ظ، اليتم يتم الأدب والموت موت الضمير
والحب حب المعالي باختلافاتها

ظ¢ والجرح جرح المشاعر من لسان الحقير
والصوم صوم الجوارح عن شهواتها

ظ£ والبخل بخل الغني والجود جود الفقير
والبعد بعد النظر ماهي مسافاتها

ظ¤ والعز عز التقى والصبر صبر الضرير
والذل ذل المعاصي واقترافاتها

ظ¥ والقتل قتل الأمل في نفس من هو جدير
آمال روحه خذوها عن طموحاتها

ظ¦ والنور نور القلوب اللي تعرف المصير
القايمة بالفروض الخمس فاوقاتها

ظ§ والحكم حكم الإمام العادل المستنير
والظلم ظلم الفتى روحه بزلاتها

ظ¨ والمجد مجد الشجاع اللي يقود المسير
والجهل جهل الحياة ونبل غاياتها

ظ© والفخر فخر التقرب للعلي القدير
ماهوب فخر القبايل وانقساماتها

ظ،ظ والعلم علم ابن باز الالمعي الخبير
الى ابرم المسأله قفل نزاعاتها

ظ،ظ، والحمدلله فاهل العلم جمع غفير
تجاوزوا حد الافلاك ومداراتها

ظ،ظ¢ والشعر شعر الحكيم اللى مداده مثير
تعجبك فكرة بيوته وابتكاراتها

ظ،ظ£ والغدر غدر الوطن لو ماعطاك الكثير
وشلون لا أكرمك في شتى مجالاتها

ظ،ظ¤ والعطف عطف الكبير ليا لقى له صغير
والضبط ضبط المشاعر وانفعالاتها

ظ،ظ¥ والحر حر المفارق خل حر الهجير
والضيق ضيق الصدور لقل طاعاتها

ظ،ظ¦ والفوز والله نجاتك من عذاب السعير
لا تحسب الفوز في الدنيا ولذاتها

قصيدة حسن عامر

ظظ، سعد بن جدلان شاعر مثل بحر وفير
يجيد غالي القصيد وينظم ابياتها

ظظ¢ احاول امشى معه والقاف نظمه يسير
واجيب جزل المعاني في اضافاتها

ظظ£ رغم أن ما مثله الا البحتري او جرير
لاقال عصم البيوت اختار جزلاتها

ظظ¤ عزالله انه على الشعار مثل المدير
قصايد الشعر تضرب له تحياتها

ظظ¥ سلاسة النابغه عنده وحكمة زهير
وبيات شعره تعم الأرض برواتها

ظظ¦ والكفر كفر النعم والسفه سفه الكبير
والصدق صدقك مع نفسك وكبواتها

ظظ§ والظلم ظلم الأهل ماشي لمثله نظير
والكبت كبت النفوس وكبح رغباتها

ظظ¨ والقطع قطع الرحم والشور شور المشير
والوصل وصل القرايب رغم قطعاتها

ظظ© واليأس يأس النفوس بيوم كشف المصير
العين من حزنها تنهلّ عبراتها

ظظ،ظ والهتك هتك الستر عن كل سر خطير
والناس ولاّ كشف عوراتها

ظظ،ظ، والكسر كسر الخواطر مال كسره جبير
والطعن طعن اللسان وقبح هفواتها

ظظ،ظ¢وترى الوفاء هو وفاءك بالأجر للأجير
وايفاءك الوعد قبل تطوف ساعاتها

ظظ،ظ£وعلم السياسه وفن الرد عند الجبير
يفحم كبار السياسه في سياساتها

ظظ،ظ¤ عزالله أن الملك سلمان عنده وزير
عادل يضد الخصوم ويعرف اسكاتها

ظظ،ظ¥ والله يرحم سعود الفيصلي الأمير
حتى عداه اشهدت له باعترافاتها

ظظ،ظ¦ وصلاة ربي على الهادي البشير النذير
محمد اللى رقى السبع ومجراتها

حسن عامر آل عيسى

حـُـلم ,سلطان الزين ,مسگ معجبون بهذا

تسلم يمينك لجمال اختيارك..

صح لساانك ولا هنت

ابدعت في انتقاء موضوعك
سلمت اناملك ع الطرح الراقي
راق لي ما راق لك
ربي يعطيك الف عافيه
في انتظار كل جديدبكل شوق
تحيتي ...

سلمت الانامل
الطرح ف قمة الجمال
يعطيك العافيه
بنتظار جديدك المميز
تحيتي
..

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
ودي وعبق وردي

غايه الروعه
سلمت يمناك
الله يعطيك الف عافيه
في انتظار جديدك بكل شوق