ماعاد يرضيني وفا ولا يزعلني جفا

ماعاد يرضيني وفا ولا يزعلني جفا

.... ماعاد يرضيني وفا ولا يزعلني جفا متساويـ(ن) في خاطري ظلم العرب وانصافها ولا تاقف الدنيا على شمع الغرام اللي طفا بعض الشموع انا اتعمد كسرها واتلافها من اول لــ خفيت لي علمــ(ن) عن الناس اختفا واليوم هذي حالتي مابه حد ما شافها قعدت احسب وش ربحت ووش خسرت ووش صفا؟؟ ياحي روس اموالنا قبل الطمع باضعافها تعبت ادور ف القلوب البارده ليلة دفا والقى استغلال النفوس وكذبها واجحافها حتى اقرب العالم لو يوقف معك وقفت وفا اصبر وتدري وش دوافع وقفته واهدافها عاد انت يالوجه الجديد اللي تبي وصل وصفا احبال وصلك شوف لك ناســ(ن) تمس اطرافها انا على موعد مع واحد وكانه مالفا ما عاد ابي شي من السنين سمانها وعجافها لاني عقب مارمش عيني صاحب النوم وغفا حلفت ما رده على اشيا(ن) من عرفها عافها العشق وامراض المحبه واستحالات الشفا واغلب علاقاتي مع العالم اشوف انكافها وذا الحين عن اذنك وسامحني اذا لساني هفا نفسيتي ماعادني بـ قدر على لطافها والموعد اللي كنت قبل شوي جالس له عفا ما جا ودقايق موعده راحت وقدني خلافها

حـُـلم ,hmsraqi ,غَيْم ..! و 1 آخرون معجبون بهذا

لا أشبه أحد

المصدر: منتديات أحاسيس الليل - من قسم: • •₪• عذب الحروف لـ الشعر المنقول •₪•

---

lhuh] dvqdkd ,th ,gh d.ugkd [th